വർഷം : 2018
സിത്താരയുടെ പ്രൊജക്റ്റ് മലബാറിക്കസ്
വരികൾ : ഹരിനാരായണൻ
സംഗീതം : സിത്താര
പാടിയത് : സിത്താര
വരികൾ
ഓരോ ഋതുവിനുള്ളിലാരോ സ്വരപ്പെടുത്തി ഓരോ നിറത്തിലുള്ള സംഗീതം രസരാഗം വിവിധ മതി ഗാഢo പ്രകൃതിയുടെ നാദം പ്രണയമയമാനന്ദം ലയമേകം സമഭാവം ശുഭഗീതം.... ഗ്രീഷ്മം ചുടുവെയിലിലാടി, കൊതിപ്പെടുത്തും ലാവ് , കനൽ ചുരത്തും സംഗീതം പൂക്കും ഇലവുമരം , ചോക്കും മനസ്സ് , മദഗന്ധം വിതച്ചരഞ്ഞു മാലേയം വേനൽ പുഴയൊഴുകി പ്രേമാർദ്രമായ് തെളിഞ്ഞ കണ്ണാടി പോൽ മിന്നും നീരോടേ ലയമേകം , സമഭാവം ശുഭഗീതം ഹർഷം ഹൃദയമേഘ വർഷം പ്രണയമിന്നൽ ചിന്നും പതഞ്ഞൊഴുകുമാപാദം സാമം ധ്വനി മൃദംഗതാളം പ്രകൃതി മൽഹാർ പാടും സ്വരജതിതൻ ആരോഹം മാനോ മരത്തളിരിനാലേ ഹരിതമായ കാടാകെ ഓടുന്നു സോത്സാഹം ലയമേകം സമഭാവം ശുഭഗീതം ചെന്നൽ പഴുപ്പുനിറം ചേരും തരുണിയുടെ - ചെന്താർമുഖ സദൃശലാവണ്യം - ചേരും ശരത്തണയെ ഓരോ സരിത്തുമിളമീനിൻ പുളകമൊടു ശാലീനം പാടും ധവളഖഗമോരോ മണൽ പരപ്പിൽ , ആമോദമാളുന്നൊരീ കാലം ലയമേകം സമഭാവം ശുഭഗീതം പുത്തൻ യവങ്ങൾ തളിർ ചൂടി , ഉതിർന്നു മുല്ല, മഞ്ഞിൽ കുളിച്ചു വന്നു ഹേമന്തം ക്രൗഞ്ചം പൊഴിക്കും മധുനാദം സുഖം പകർന്നു , ഗ്രാമം തെളിഞ്ഞു നിന്നു സാനന്ദം പാച്ചോറ്റി ചില്ല മലർതാലം പിടിച്ചിടുന്നു മാരന്റെ കേളീതലം ചിത്തം മോഹക്കരിമ്പുപാടം ചേലിൽ വിളഞ്ഞു നിന്നു , ബാലേ ശിശിരകാലം വന്നല്ലോ വാതായനങ്ങൾ പൂട്ടി തീ കായും പരിസരമാകെ അകിൽപ്പുകതൻ സൗരഭ്യം താനെ ഇലപൊഴിഞ്ഞുശാഖ, കിളികൾ പാടി ജീവാനുരാഗത്തിന്നീണങ്ങൾ മാമ്പൂ സുഗന്ധം , കുയിൽ പാട്ടിൻ മരന്ദം മലർമാരന്റെ ഹൃദയമീ വാസന്തം ഓരോ ഞൊടിയും പ്രണയാർദ്രം , പ്രമദവനം സാന്ദ്രം, ഭ്രമരസമസഞ്ചാരം ലാസ്യം മധുരമന്ദഹാസം എഴുതി വച്ചു മന്നാകെ ,മങ്ങാതെ പൂക്കാലം
0 comments :
Post a Comment